Palala nang palala ang kultura ng kawalang-pananagutan sa mga krimen na nagawa higit lalo sa hanay ng Philippine National Police (PNP) na madalas na nasasangkot sa kidnap for ransom, pamamaslang sa gera kontra droga, at pakikipagsabwatan sa iba’t ibang mabibigat na krimen. Ito ay pinatutunayan sa isasampang kaso laban kay dating PNP chief Oscar Albayalde at iba pang kasamahan nito, ayon sa grupong Hustisya.