34.2 C
Manila
Thursday, March 28, 2024

ANG TAGUMPAY NI MARIA LORENA BARROS [18 MARSO 1948-23 MARSO 1976]

Tulang pagpupugay ni E. San Juan, Jr.

Punglong sumabog–

Simbuyo ng paghihimagsik!

Ipinagkaloob mo ang iyong metalikong kaluluwa

sa dapog ng rebolusyon

Di kailangan ang uling ng pagdadalamhati

Di dapat mamighati

Tilamsik ng dugo

Sa sugatang himaymay ng iyong dibdib umapoy, sumigid

Ang umaasong adhika:

Kaluluwa mo’y masong dudurog sa tanikala ng kadiliman

Sumagitsit, napugnaw–

Sa lagim ng iyong pagkatupok, titis ng hininga mo’y

Di tumirik, di nags aabo….

Ang pasiya mong lumaban ay nagbaggang tinggang umagnas, lumusaw sa anumang 

balakid.

Kailangang magpatigas

Dapat maging bakal–

Hindi ginto o pilak–

Ang kaluluwa upang sa sumusugbang lagablab ng pag-usig sa kabuktutan

Pandayin ang katawan ng ating pagnanais

Pandayin ang pinakamimithing kalayaan

Pandayin ang liwanag ng kinabukasan.

[Mula sa  E. San Juan, ALAY SA PAGLIKHA NG BUKANG-LIWAYWAY (Ateneo University Press, 2000, p. 49; unang nailathala sa koleksiyon ni E. San Juan, KUNG IKAW AY INAAPI, 1983].

Latest news

- Advertisement -spot_img

Related news