PinoyAbrod.net

Hindi nagpahuli sa pagmartsa at pagsigaw ng kanilang bitbit na panawagan ang sektor ng mga kabataan sa naganap na United People’s SONA 2018 nitong ika-23 ng Hulyo kasabay naman ng State of the Nation Address ni Duterte sa Commonwealth Avenue, Quezon City.

Taon-taon ay mayroong malaking bilang ng mga estudyante ang nakikiisa sa SONA protest. Sa bisa ng sining-pangprotesta, mga sigaw at plakard, matagumpay na inilatag sa kahabaan ng nasabing abenida ang kanilang mga hinaing. Ang kilos-protesta ngayon ay may mas malaki pang bilang ng lumahok mula sa kanilang sektor. Naririto ang kanilang mga bitbit na isyung nais nilang ipanawagan.

Rejhon Modesto, 20, National Union of Students of the Philippines

Si Rejhon ay National Deputy Secretary ng National Union Of Students of the Philippines (NUSP). Si Rejhon ay kabilang sa sektor ng kabataan at nananawagan sa tunay na libreng edukasyon.

Ayon sa kanya, hindi tunay ang libreng edukasyon na pinapatupad dahil sa Return Service Policy kung saan kailangan magbalik ng serbisyo ang kabataan sa mga state universities and colleges (SUCs) na kanilang pinagtapusan. Ang polisiya na ito ay isang pamamaraan upang pagkakitaan ang kabataan. Nararanasan ito sa Cagayan State University, Palawan State University, at Negros State University. Samantala sa Polytechnic University of the Philippines, University of the Philippines, at Philippine State College of Aeronautics, nangyayari rin ito sa pagbibigay serbisyo ng mga estudyante ng 10 hours bawat linggo.

Patuloy din ang paniniil ng other school fees na labas sa resibo dahil ayon sa implementing rules and regulations (IRR) ng batas, hinde ito kasama at dapat bayaran ng mga estudyante. Naging mas matagal ang pagpoproseso sa pagkuha ng badyet sapagkat ang pondo ng mga student organization ay manggagaling mismo sa gobyerno na nagreresulta sa paghaba ng oras na ginugugol ng proseso.

Paula Mae C. Balones ng Tanggol Wika, 18, Tanggol Wika

Unang paglusong ito ni Paula ng PUP sa daluyong ng masang Pilipinong nakikibaka. “[I]pinaglalaban namin na huwag tanggalin ‘yong [kursong] Filipino sa kolehiyo kasi mawawalan kami ng [program] at mawawalan din ng subject ‘yung ibang estudyante,” aniya. Panawagan pa niya, “´Yung Tanggol Wika kasi, gusto namin na, itinataas kasi ngayon ‘yung lebel ng pag-aaral ng Filipinolohiya [ng PUP] para ipantay sa UP kaso ngayon, sinasabing tatanggalin na naman daw ulit. So, maaaring mawawalan kami ng [programa] at hindi namin alam kung saan kami mapupunta kung mawawala ‘yong [kursong] Filipino.”

Cerio Solage, 20

Wala siyang kinakabibilangang organisasyon at katatapos lang niya ng kurso na Bachelor of Secondary Education Major in Social Studies. Sabi niya, nais niyang maging guro sa hinaharap at alam niya ang hinaing ng mga guro kung saan nagtratrabaho ng sobra ngunit sila’y hindi nababayaran ng sapat sa kanilang serbisyo. Nakikiisa siya sa panawagang pagtaas  ng sweldo ng mga guro sa pambulikong paaralan. Naudyok din siya na sumama sa United People’s SONA dahil sa mga sinasabi ni Duterte na laban sa mahihirap at kababaihan. Maging ang mga polisiya niya na hindi tumutupad sa kanyang mga pinangako. At higit sa lahat ang mga direksyon na tinutulak ng pangulo na mala-diktador sa bayan.

Mula sa mga panayam nina Emmanuel Salamanca, Coleen Gonzales, James Michael Benitez ng Liga ng Kabataang Propagandista

The post #SONA2018: Panawagan ng Kabataan appeared first on Manila Today.

While thousands of protesters marched yesterday at the United People’s SONA, armed officers were dispersed at various points along Commonwealth Avenue in Quezon City.

The protesters were also armed, not with guns but with their voices and their art. Here are some works of art by activist groups at the SONA protest yesterday.

The many faces of Duterte

Read: UGATLahi: Art in times of crisis

Millennials fight back

Writings on the wall

Colorful calls

Painted with blood

The post IN PHOTOS: Art and dissent at the People’s SONA appeared first on Manila Today.

Sa pag-angat ng mga karatula, pagwagayway ng mga bandera, at pag-alingawngaw ng mga boses ng mamamayan, hudyat nito ang pagsisimula nang pagmamarsta ng mga nagtipon sa University Avenue – University of the Philippines patungong Batasang Pambansa sa Commonwealth Avenue.

Sa dami ng mga taong nasa paligid, sa dami ng mga kuwento na iyong maririnig, madarama mo ang bigat na pasan ng mga kababayan natin at ang tangan nilang mga mithiin na kanilang ipinaglalaban. Di maiiwasang madala sa alon at bugso ng kanilang mga damdamin, at matangay sa agos ng kanilang paninindigan. Sa kapal ng emosyon na bumabalot sa aming lupon, doon ko nakilala sina Mak at Tatay Sev.

Habang sinasabayan ko ang paglalakad ng mga tao ay nahagingan ng aking paningin ang isang puting aso at ang kanyang amo habang nakaupo at nagpapahinga sila sa may damuhan sa center island ng University Ave. Hindi ko napigilang mapangiti sa aking nakita, at maging ang mga paa ko ay tila nagkusang humakbang patungo sa kanilang direksyon, at ang tanging nais ko lamang nang mga sandaling iyon ay ang makilala kung sino sila.

Sila sina Tatay Severino, 60 taong gulang, at si Mak na halos mag-iisang taong gulang pa lamang. Si Tatay Sev ay miyembro ng PISTON (Pinagkaisahang Samahan ng mga Tsuper at Operator Nationwide) at may 30 taon ng namamasada. Ang kanyang ruta ay Pasay at Monumento. Magmula noong mapasapuder niya si Mak ay lagi na niya itong kasakasama kahit saan siya magtungo.

Naroon sila sa United People’s SONA noong Hulyo 23 upang ipanawagan ang pagbasura sa jeepney phaseout. Bagama’t sinisimulan na ang malawakang pagpapalit sa mga lumang jeepney ng mga e-jeep sa ibang parte sa Metro Manila at maging sa buong bansa, tuloy-tuloy ang mga hakbangin ng PISTON at ibang transport groups upang ipaalam sa kapwa drayber, opereytor, at pasahero ang epekto ng PUV modernization program ng pamahalaan.

Basahin: What you should know about the jeepney phaseout program

Ito na ang ikatlong martsa na kanilang dinaluhang magkasama. Si Mak ay may sariling pamamaraan upang ipakita niya ang kanyang suporta hindi lamang kay Tatay Sev, maging sa lahat ng mga dumalo sa pagtitipon, sa pamamagitan ng pulang laso na tangan ng kanyang leeg.

Sumasabay sila sa pagmartsa ng mga tao, at sa bawat paghinto ay sabay rin ang paghahanap ni Mak ng puwestong kanyang mapaghihigaan.

Maging ang mga tao sa paligid ay ‘di maiwasang mapatingin, at mapangiti sa presensya ni Mak. May mga pagkakataon na lumalapit rin sila upang litratuhan at magpalitrato sa piling ng mag-amo.

At kahit mabigat ang suliranin na dala-dala ni Tatay Sev dahil sa mga pagbabago ng mga patakarang isinusulong ng gobyerno sa ating pampublikong transportasyon, nakakahanap ng katuwang si Tatay Sev kay Mak at sa libu-libong mamamayang kasama nilang nakikibaka.

The post Si Tatay Sev at Mak, ang asong may pulang laso appeared first on Manila Today.